कोणीतरी आठवण काढतंय बाकी काही नाही

             हसता हसता डोळे अलगत येतील भरून

बोलता बोलता शब्द ओठी जातील विसरून

 कावरं बावरं होण्यासारखं बिल्कुल काही नाही

कोणीतरी आठवण काढतंय बाकी काही नाही

रस्त्यामध्ये दिसतात की चेहरे येता जाता

एका सारखेच दिसू लागतात सहज बघता बघता

अवतीभोवती सगळीकडे तोच माणूस दिसेन

सृष्टी मध्ये दोनच जीव आणखी कोणी नसेल

भिरभिरल्यागत होण्यासारखं बिल्कुल काही नाही

कोणीतरी आठवण काढतंय बाकी काही नाही

मोबाईल वाजण्याआधीच तो वाजल्यासारखा  वाटेल

जुनाच एखादा sms काढून वाचावासा वाटेल

दिवस सरता सरता वाटेल उगीचं

पाउलो पाउल जड होत जातील श्वास

घाबरण्यासारखं बिल्कुल काही नाही

कोणीतरी आठवण काढतंय बाकी काही नाही

जेवता जेवता लागेल जीवघेणा ठसका

घरचे म्हणतील सारखा कसा लागतो उठता बसता

चेहरा लपवत डोळे पुसत पाणी प्यावे थोडे

बोलण्या आधी मात्र आवाज आला सांभाळावे थोडे

सांगून द्याव काळजी करण्यासारखं बिल्कुल काही नाही

कोणीतरी आठवण काढतंय बाकी काही नाही